CINEMA FRIKI

De Os Irmáns Grimm non agardaba nada

08-09-2005 12:27:14

Ben. De Terry Gilliam teño visto que agora recorde... cinco películas: Brazil, 12 Monos, Medo e Noxo nas Vegas, O Rei Pescador e As Aventuras do Barón Münchausen, iso se non contamos as súas participacións cos Monty Python (¡a morte caia rauda sobor dos seus inimigos!) A que máis me gustou sen dúbida algunha foi Brazil, 12 Monos sorprendeume e do resto só destacaría Medo e Noxo nas Vegas.

De Os Irmáns Grimm non agardaba nada, de feito cando vin o anuncio pensei que unha frase que lle encaixaría sería: “Dos productores que profanaron a personase de Van Helsing chega unha película sobre os irmáns máis molóns do século XVIII”. Durante un intre xurei que endexamáis, inda que a vida dos meus futuros fillos dependera delo, consideraría ver esa película. Só mudei de opinión cando souben quen era o director. A un ex-Monty Python perdoarialle calquera cousa. Calquera cousa. Seguía botándome para atrás que estivera Matt Damon de protagonista, e inda que a Heath Ledger no lle teño especial manía non axudaba a que tomara unha rápida decisión. Ahí axudoume Mónica, inda que últimamente as películas nas que a teño visto apenas sae uns minutos, ensina o escote e desaparece. Algún dirá que qué máis quero...

O resultado final é interesante, sen buscar unha fidelidade documental, pero con pequenos detalles tales como as continuas referencias ós contos dos “homenaxeados” e que converte a súa propia historia nun conto de fadas ó tempo que che fan disfrutar inda máis da película. A destacar a actuación dos actores secundarios coma Jonathan Pryce no papel do xeneral francés Delatombe e de Peter Stormare coma Cavaldi (este ¡sueco! farache odiar realmente ós oficiais italianos)

E se despois de ve-la película non estades dacordo comigo, xa sabedes... botádelle a culpa á doblaxe.

Pol

Crítica Os Irmáns Grimm Hermanos Grimm Brothers Grimm

Categoría: Críticas 8 Comentario(s) & 0 Referencia(s)

Referencias

http://cinemafriki.bitacoras.com/archivos/2005/09/08/de-os-irmans-grimm-non-agardaba-nada/trackback/

Comentarios

Fai un Comentario
Personaliza o teu avatar en gravatar.com
Non perdas de vista os teus comentarios con coComment
Utiliza código HTML para dar formato ó teu comentario
Non poñas máis dunha ligazón no teu comentario ou non aparecerá (sistema anti-spam)

Comentario feito por Diefer, o día 12-09-2005 09:49:40h.

Po chi! Teño ganas de vela. Parece unha peli desas de aventuras, e aínda que non sexa boa, supoño que valerá para pasa-lo rato entretido no cine, que diso se trata.

Comentario feito por André Batista, o día 12-09-2005 11:34:15h.

Adorei o teu blog, embora escrito em espanhol, ainda entendo algumas coisas! O que interesa mesmo é o cinema, LOL

Comentario feito por ifrit, o día 12-09-2005 16:28:48h.

André, non é español, é galego, por iso entendes algunhas cousas :D

Gracias po-la visita! ;)

Comentario feito por Diefer, o día 13-09-2005 09:30:11h.

C.F.I. (Cinema Friki International)

O galego no mundo...

:D

Comentario feito por Yann Breoc, o día 13-09-2005 10:10:09h.

Ummm, non sei...
Aínda que peor que "Guardianes de la noche" non pode ser...
Joder, estou conmocionado con ese filme.

Comentario feito por Yann Breoc, o día 13-09-2005 10:11:19h.

Por certo, se pode dicir "joder" neste blog?
Debería ser "foder", non?

Comentario feito por ifrit, o día 13-09-2005 12:01:21h.

Tes que dicir ghoder, que non temos iota XDD

Comentario feito por Uruloki, o día 13-09-2005 14:47:45h.

É unha peli curiosa. Non podo considerar que foi unha perda de tempo, pero tampouco pasa da normalidade habitual.

Engadir un Comentario