Unha boa película marciano-apocalíptica
05-07-2005 01:10:07
O primeiro no que un se debe fixar antes de acudir a ver este filme é que se trata dunha nova producción feita por Steven Spielberg contando con Tom Cruise como protagonista. E que implica normalmente isto? Pois fundamentalmente tres feitos: que Cruise saia en todos os planos da peli; que na película haxa rapaces en abundancia; e que a última media hora sexa intranscendente e completamente prescindíbel.
É un alivio ver que só se cumpren as dúas primeiras constantes neste caso.
Á marxe disto, o certo é que se trata dun producto impecábel. É unha adaptación moi fiel da novela de H. G. Wells (aínda que no tempo actual), na que sobre todo compre destacar o ben tratado que está a descrición do carácter e do comportamento humano en momentos de crises absolutas. Ata aquí a película se salva con nota.
O problema que se lle pode achacar é que , a pesares de ser unha moi boa adaptación dun clásico da ciencia ficción, nun universo cinematográfico no que as pantallas xa foron invadidas unha e outra vez por marcianos, ultracorpos, superguerreiros, polbos intergalácticos e homes verdes de orellas puntiagudas, esta idea non é novidosa. Resulta agradábel ver un bo filme marciano-apocalíptico de cando en cando, pero dende logo non aporta nada novo.
P.D. A ningún americano se lle ocorrerá pensar logo de ver esta película que os irakies se deben sentir igual ca eles logo ser invadidos polos extraterrestres?
Yann Breoc
Le a crítica de Cels PiñolCrítica A Guerra dos Mundos La de los War of Worlds
Categoría: Críticas 9 Comentario(s) & 0 Referencia(s)
Referencias
Comentarios
Comentario feito por Diefer, o día 05-07-2005 09:03:52h.
Pero sigo dicindo que Spielberg equivocouse en facela promoción. Está moi ben iso de querer ocultar os marcianiños, pero iso conleva a unha sobresaturación de Cruise, que a mín cansoume moito, e iso que o actor non é dos que peor me caen. (No Último Samurai" gustoume moito, debeu ser porque o prota, ademáis, o mellor que o fai, é Ken Watanabe, jejeje)
Un saudo.
Comentario feito por Uruloki, o día 08-07-2005 18:44:47h.
O demáis xenial, boa musica, bo ritmo e fabulosos Trípodes!
Comentario feito por Pol, o día 09-07-2005 16:24:05h.
Es curioso, pero es la sensación que tuve cuando vi el tráiler...
Comentario feito por ifrit, o día 10-07-2005 21:34:11h.
Comentario feito por Diefer, o día 11-07-2005 09:16:17h.
Ummm! Imos a ver. A película está relamente ben feita. Os efectos especiais son incribles e, aínda que espectaculares, non sobran en ningún momento. Unha fotografía sublime e a toma da furgoneta na autopista é I-M-P-R-E-S-I-O-N-A-N-T-E. Eu creo que é todo dixital, se non, non imaxino como sería posible grabar esa escea.
Pero estamos no de sempre. Sobresaturación de Cruise. O fillo é un malote ó que lle viñan ben un bo par de hostias para que espabilara, creo que contei máis dunha docea de planos onde aparece unha bandeira americana, hai un impulso electromagnético e hai cámaras de fotos e de vídeo que funcionan, os americanos son uns curiosos, aparécelles un trípode xigante e achéganse todos a ver que ocorre, o mesmo que no final.
Pois iso, unha boa película para ver unha tarde cando se está aburrido e pasar un bo rato sen usar moito o cerebro, sempre e cando non se teña problema en aguantar infinitos planos de Tom Cruise.
Comentario feito por Pol, o día 11-07-2005 13:04:01h.
Comentario feito por ifrit, o día 11-07-2005 16:39:27h.
Engadir un Comentario
Feito con
Só remarcar a grande actuación da nena (Dakota Fanning) e outra xenial obra mestra de John Willians.
E por certo, no meu final habería dous mortos máis.